Desastres Patrimoniales....

Nortes | Centraes na periferia ActualidáTemesCulturesMemoriaOpiniónGaleríesXenteHazte socia de Nortes ActualidáDestacaesOpinión La panera de Regla de Cibea, metáfora d´Asturies El desdexamientu, la inorancia, incluso a veces el odio pola cultura popular, la comparten les administraciones, los grandes poderes y gran parte de la xente. Por Xuan Cándano 5 marzo 2025 La panera de Regla de Cibea. Recomendados Xuan Cándano Xuan Cándano San Esteban de Bocamar (1959). Periodista. Redactor en RTVE-Asturias. Fundador y exdirector de Atlántica XXII. Es autor de "No hay país". El paro baja en Asturies en 411 personas en febrero, un 0,74 %, hasta 54.957 5 marzo 2025 170.000 asturianos, un 5% más que en 2021, sufren pobreza energética y no pueden calentar su hogar 5 marzo 2025 La panera de Regla de Cibea, metáfora d´Asturies 5 marzo 2025 Esta es la programación de SACO 2025 4 marzo 2025 Ún o dellos terroristes prendieron-y fueu a una panera de 1651 en Regla de Cibea, la más vieya del conceyu de Cangas. Digo terroristes con propiedá, porque quien atenta contra un monumentu ye exactamente eso y nun sirve de disculpa la inorancia, que de xuru hai abondo tamién nun suceso tan dolorosu. La panera yera de maera de carbayu y taba asitiada na Casa Rectoral, que ta desocupada y ye propiedá del Arzobispáu. L´atentáu fue el sábadu, los vecinos decatáronse a media mañana. Pero la noticia nun se supo hasta que´l llunes salió nun periódico, piquiñina, na sección d´Occidente, na parte d´abaxu de la fueya. N´otros medios, nin salió siquiera. El cura de la parroquia dixo que yera una pena, “era una panera de muy buena calidad”, y puso una denuncia na Guardia Civil. El arzobispu nun apaeció por Cangas nin dixo na. La Conseyería de Cultura, que tamién puso una denuncia, “anuncia que en los próximos días se desplazará personal de la Dirección General de Patrimonio para observar y comprobar el alcance de los daños”, diz La Nueva España. La panera de Regla de Cibea antes de la quema. Semeya de Tous por Tous. El que apaeció na más enterase del desastre fue Xuaco López, el director del Muséu del Pueblu d´Asturies y presidente de la sociedá canguesa d´Amigos del País Tous pa Tous. Xuaco, que conocía perbién la panera, como tol patrimoniu etnográficu asturianu, y la tien descrito con rigor científicu, salvó el lliñu cola fecha de construcción. Taba afectáu pola quema, pero el fueú nun fue quien a destrozar dafechu esa viga, como si nos quisiera recordar a los asturianos la antigüedá y la riqueza de lo que acabamos de perder. La panera dempués del incendio, apagao polos bomberos del parque de Tebongo. Semeya de Tous por Tous. Nel lliñu salvao de la panera ta la fecha de construcción, 1651, ente inscripciones relixiosas habituales d´estos monumentos etnográficos. Semeya de Tous pa Tous. Xuaco garró el lliñu y dexolo al abellugu de la Casa Rectoral, pa que nun acabara la lluvia con él. El director del Muséu del Pueblu d´Asturies, un orgullu pa l´autonomía que debe casi too al so llabor, dixo nel periódico que´l escaezu ye tan responsable como las manos anónimas que y-prendieron fueu a la panera: “Al final lo que pasó es el resultado del abandono, la maleza a veces le llegaba hasta el tejado y estaba rodeada de suciedad”. Nin el Arzobispáu, el dueñu de la panera, nin la Conseyería de Cultura, tamién responsable de su conservación, dixeron tampoco hasta agora si piensen poner en pie nel mesmo llugar otra panera col lliñu y la fecha de 1651, pa que quede constancia d´un monumentu etnográficu de la dómina na que entamaba la Ilustración, qué paradoxa viendo como acabó. Deberíen facelu con un cartel que recordara que daquién la quemó, pero que la Iglesia y el gobiernu asturianu fueron los cómplices necesarios p´ello, porque teníen-la fecha una llaceria. La traxedia cultural de Regla de Cibea, porque eso ye lo que pasa cada vez que esbarrumba un hórreo o una panera, ye una metáfora de l´Asturies d´anguañu. El desdexamientu, la inorancia, incluso a veces el odio pola cultura popular, material o inmaterial, la comparten les administraciones, los grandes poderes y gran parte de la xente. Solo la aprecien, la fain suya y la defienden una minoría de ciudadanos con sensibilidá y cultura, como Xuaco López, y lo meyor de la sociedá civil, como Tous pa Tous, que ya advirtiera en 2010 de lo que podía pasar: “Esperemos que la propiedad o la Administración Pública tomen medidas para frenar su deterioro, porque de lo contrario es posible que esta construcción, protegida por la Ley de Patrimonio Cultural, se derrumbe y desaparezca”. L´autonomía asturiana inda nun fue quien en casi mediu sieglu a llexislar pa da-yos otra utilidá a los hórreos y las paneras, que se caen casi a diariu en silenciu, porque la muerte lenta del mundo campesino ye la suya y ya nun fain falta graneros nos pueblos y aldeas. Se ve que polas Conseyerías nun hai amigos del país como en Cangas.